Archive for January, 2007

小Baby

你好嗎?在媽咪肚裡舒服嗎?媽咪好鐘意好鐘意你在肚裡郁動的感覺。每次你有些少動靜,媽咪都引唔住笑,因為實在太得意了。=)我想身邊的人定會覺得我很奇怪…Little baby,你就黎24週大啦。很期待你每天每天的長大!媽咪最擔心的就是吃得不好,令你不夠營養。希望你健健康康啦。

Advertisements

Leave a comment »

MUAH~~

Baby baby, 你活躍左喎,媽咪好開心可以感受多左你的動靜,感覺同你拉近了。不過爸爸就仲未有機會經歷,因為佢每次同你講野你都無反應,但係佢依然好有恆心,天天同你打招呼,又摸媽咪個肚,希望你可以感受到佢。Baby we love you very much~~!

Leave a comment »

Little Baby 開始重啦

Little Baby,最近媽咪經常感到墜住墜住,你越來越重了!有時仲在入面郁下郁下。媽咪呢幾日飲多左檸檬茶,覺得唔開心,因為對Baby無益。=(媽咪想去買野預備你的來臨,但爸爸好忙,無時間。不過爸爸有替媽咪做按摩,好舒服,你感覺到嗎?=)

Leave a comment »

Hello Baby

你健康嗎?媽咪天天為你祈禱,願你得到最好的,好像天父給我們最好一樣。好心急想見到你,你真是我同爸爸最大,最受祝福的禮物。A big kiss to you~~MUAH~~!

Leave a comment »

產前班 Stage 2 (1)

爸爸同媽咪尋晚去上產前班,內容非常實用,我地都學左好多野。Little baby呀,其實o係媽咪生你時,你都要好努力先能出來,你要比心機呀!媽咪好希望在你出來後能夠manage即刻餵你食奶,因為我知道你在出來的過程中必定要用很多氣力,你出來之後一定會很累和餓。媽咪會努力,你都要努力呀!爸爸亦會在旁俾我地好大支持。

Leave a comment »

郁郁

Little Baby, 媽咪越來越感受到你在肚裡的動靜。媽咪努力學習做個開心媽咪,等你可以在個開心的環境中長大。希望媽咪有時太大聲講話不會嚇親你。今日同爸爸去了Babies r us,我地好快就會替你買家俬同日用品,為你的來臨預備好。祈求你身體健康,快高長大。

Leave a comment »

Stretching?

Hello Little Baby, 你今朝在媽咪肚裡伸懶腰?你而家應該聽到爸爸同媽咪的聲音,認住啦喎,我地會日日同你傾偈架。Love you baby

Leave a comment »